ភ្នំពេញ៖ លោក យ៉ង សាំងកុមារ ត្រូវបានព្រះមហាក្សត្រតែងតាំងជារដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ។ នេះបើតាមព្រះរាជក្រឹត្យរបស់ព្រះមហាក្សត្រដែលឡាយព្រះហស្តលេខានៅថ្ងៃទី២៩ ខែវិច្ឆិកា ឆ្នាំ២០២២។

ជាមួយគ្នានេះ លោក ឡឹក សុធារ ក៏ត្រូវបានព្រះមហាក្សត្រតែងតាំងជាអនុរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទផងដែរ។

គូសបញ្ជាក់ថា លោក យ៉ង សាំងកុមារ និងលោក ឡឹក សុធារ បានទទួលតំណែងនេះ ក្រោយពីអ្នកទាំងពីរបានស្នើសុំចូលរួមជាមួយគណបក្សប្រជាជនកម្ពុជាកាលពីថ្ងៃទី២៧ ខែវិច្ឆិកា ឆ្នាំ២០២២។

អតីតប្រធានគណបក្សប្រជាធិបតេយ្យមូលដ្ឋាន លោក យ៉ង សាំងកុមារ បានស្នើសុំចុះចូលនយោបាយជាមួយគណបក្សប្រជាជនកម្ពុជា ដើម្បីរួមចំណែកលើកស្ទួយវិស័យកសិកម្មនៅកម្ពុជាឱ្យកាន់តែល្អប្រសើរ៕